Boreoale busschn van westlik Siebeerje
De boreoale busschn van westlik Siebeerje, geleegn in Oazje, zyn 'n ekostreeke uut d' ekozôone Palaearctis vôgnst de Weirld Nateur-Stichtienge (WWF) [1][2][3]. Ze maakn dêel uut van 't bioom de boreoale busschn of de tajga. D' ippervlakte van d' ekostreeke besloa 167 028 333 êktoarn [4].
Beschryvienge
[bewerkn | brontekst bewerken]D' ekostreeke is e styf grôot koniefeern-bus dat êm uutstrekt van de Oeral toe an de Jeeniesseejie-Rieviere in Siebeerje [5]. Angezien da die rieviere bekeekn wordt lik e belangryke biogeogroafiesche grenze vôgns de mêeste weetnschapprs, ligtr ten ôostn doavan d' aparte ekostreeke de boreoale busschn van ôostlik Siebeerje.
Die ekostreeke êt euvls in 't nôordn en platte vlaktn in 't zuudn. Bykans den êft van d' ekostreeke bestoat uut moerassn, mê bandn van boreoal bus die lik lintn lanst de rieviern liggn. De boomn van de tajga stoan verre uut mekoar, mêt 'n oendrgruuj van dwergstruukn en tapytn mossn en korstmossn die de groend bedekkn.
Bêestn-weireld
[bewerkn | brontekst bewerken]Vier sôortn amfiebien, twêe sôortn reptieln, mêer of 220 sôortn veugls, en 70 sôortn zoogbêestn leevn allemalle in die ekostreeke. Al die bêestn angn of van de moerassn vor undre voedsl. Dedeeze omvattn europeesche beevre (Castor fiber), woelratte (Arvicola amphibius), muuskuusratte (Ondatra zibethicus), moeras-snêew-oene (Lagopus lagopus), en vêele sôortn eendn en woadveugls. Bêestn mêt e grôot leefgebied zyn eeland (Alces alces) en karieboe (Rangifer tarandus).
Bedreigiengn en beschermienge
[bewerkn | brontekst bewerken]De boreoale busschn in 't nôordn zyn nog betrekklik oengerept, mor in 't zuudn is de tajga mêesta gekapt of verbrand. Vôortgezettn oetôost en deur de mensch angestookn busbrandn, zowêl lik oolje- en goaze-oentginnienge, joagn en stroopn zyn de belangrykste bedreigiengn vo de bioloogiesche rykdom van die ekostreeke.
Zied ook noa
[bewerkn | brontekst bewerken]| Boreoale busschn uut 't Palaearctis | |
|---|---|
| PA0601 Boreoale busschn van ôostlik Siebeerje | Rusland |
| PA0602 Boreoale berkebusschn en alpiene toendra in Ysland | Ysland |
| PA0603 Beikn en dinne gezoajde busschn van Kamtsjatka en de Koerieln | Rusland |
| PA0604 Boreoale busschn van Kamtsjatka en de Koerieln | Rusland |
| PA0605 Boreoale busschn van nôordôostlik Siebeerje | Rusland |
| PA0606 Boreoale busschn van Okhotsk-Mantsjoerye | Rusland |
| PA0607 Boreoale busschn van Sakhalien | Rusland |
| PA0608 Skandienoavsche en Russiesche boreoale busschn | Finland/Nôorweegn/Rusland/Zweedn |
| PA0609 Koniefeere-busschn van Transbajkal | Mongoolje/Rusland |
| PA0610 Bergbusschn en toendra van den Oeral | Rusland |
| PA0611 Boreoale busschn van westlik Siebeerje | Rusland |
Eksterne koppliengn
[bewerkn | brontekst bewerken]Verwyziengn
[bewerkn | brontekst bewerken]<references>
- ↑ (en) Ecoregion PA0611 : West Siberian taiga (WWF).
- ↑ (en) Ecoregion PA0611 West Siberian taiga (Nationalgeographic).
- ↑ (en) Ecoregion PA0611 : West Siberian Taiga (WWF).
- ↑ (en) Ecoregion PA0611 : West Siberian taiga (Globalspecies).
- ↑ Kurnaev, S. 1990 : Forest regionalization of the USSR (1:16,000,000) Moscow: Dept. of Geodesy and Cartography