Brèinienge

Dit artikel es geschreevn in 't Brèiniengs, en da zou best ozô bluuvn.

---

Gemeente Brèinienge
Liggienge binn 't arroundissement Ostende in de provinsje West-Vloandern
Geografie
Gewest	Vloandern
Provincie	West-Vloandern
Arroundissement	Ostende
Liggienge	{{{nb}}} NB {{{ol}}} OL
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	14,25 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	18.196 (01/01/2025) 49,35% 50,65% 1276,74 inw./km²
Leeftydsipbouw 0–17 joar 18–64 joar 65 joar en ouder	(01/01/2025) 16,29% 56,05% 27,66%
Buutnlanders	4,7% (01/01/2025)
Weirklôoseidsgroad	6,57% (01/10/2019)
Polletiek
Burgemêester	Steve Vandenberghe (Vooruit)
Coaliesje	Vooruit, Alternatief24
Zetels Vooruit Alternatief24 Vlaams Belang Team Bredene	25 (2024-2030) 11 8 5 1
Dêelgemêentn me postcode
Postcode	Dêelgemêente
8450	Brèinienge
And're info
Zonenummer	059
Poliesjezone	{{{polz}}}
Webadres	www.bredene.be

Brèinienge (Nederlands: Bredene) is e Belgische gemèinte. 't Ligt tusschen Ostende, Klemskerke (e dêel van D'n Oane) en Oedeburg. 't Is 't èinigste pleksje in hèil België woa dat er e naktstrange is da legaal is. D'r weunen à peu près 16.500 menschen, zoender toeristen. In Brèinienge is 't er e dyk in 't stiksje tusschen de Twins en de vismyne (mo j'is wel goe weggestookn) en verder is 't er gin diek mi. Wa dan ze wel vele én in Brèinienge zyn duunn.

Uutzicht ip Brenienge. Ip de voorgroend Brenienge-Duun, ip d'n achtergroend Brenienge-Dorp

In Brèinienge-Duunn is 't er een oud visscherskapelletje en de kerke van 't dorp èi oude kerkemeubels van de joaren zestienoenderd. Der is ook e woatertorre.

De bekendste inweuner is Staf Versluys, die jammer genoeg e poar joar geleen veroengelukt is. O't slecht were is ku je noa de kunstgalerie van de schilder Anto Diez goan. Der is ook een soorte zale woa dat er vanalles te doen is: 't Staf Versluyscentrum.

Beziensweirdigheedn

Kyk noa Bouwkundig erfgoed in Breinienge

Polletiek

De burgemèister is vanaf 21 januari 2026 de socialiste (Vooruit) Kelly Spillier. Ze was zie voadien scheepn. Van beroep is ze zie oenderwiezeresse is in 't schooltje rechtover 't gemeinthuus. Sedert da ze burgemèister is gif ze nog 4 urtjes lesse de weke.

Van ol de stemmn (in 2024) en de sossen (Vooruit) der 37,5 %; alternatief 24 30,4 %, 't Vlaams Belang 20,4 %; de kalloten (Team Bredene) 8,7 %;de groenn 2,5; en Vital 0,4 %.

Den èiste scheepn is nu Vicky Dereere van de partie Alternatief 24. Z'is zie scheepn van ekonomie en partisipoasje. Ze werkt zie bie voedingsbedrief Morubel in Ostende.

Lucas Vandendriessche, ook van Alternatief 24, is scheepn van ruumtelikke ordenienge en mobiliteit. Kwa werk is'tn ie directeur van MSOC in Ostende, woa dan ze werkn mè menschen met e verslavingsproblematiek.

Alain Lynneel van de sossen (Vooruit) is scheepn van toeristezakes en vrieje tied. Je werkt ie bie Clemaco in Zeebrugge. J'is ie ook hèèl actief in de carnavalweireld.

Magali Vanhaeren van Alternatief 24 is scheepn van sociale zakes en uusvestienge. Ze werkt bie 't CAW Noord-West-Vlaanderen, mo voadien è ze 20 joar bie de gemeinte gewerkt.

Steven Buysse van de sossen (Vooruit) is schepen van sportzakes en oopnboare werkn. Je is ook caféboas van den Hippo 12 en den Hippo Beach.

De voorzitter van de gemèinteroad is Sandy Dobbelaere. Ze stoat zie beroepsholve in 't oenderwies.

Den algemein directeur van de gemèinte Brèinienge is Jan Eerebout. Zyn voader et ook nog e tydetje burgemêester van Brèinienge gewist, da was Roger Eerebout van de kalloten.

Toale

Met da Brèinienge juste nevest Ostende ligt komn de dialectn grotendèils overèin. De èinigste verschiln daje sommetekis ziet zyn bepoalde woordn die qua vertoalienge tzelste zyn, mo qua utsproak e klèin bitje verschiln. Andere voorbeeldn omvatn et verschillig gebruuk van voornoamwoorden. Byvoorbeeld:

• Ostends: zakdoek - Brèiniengs: zakkedoek.
• Ostends: jis deure - Brèiniengs: em is deure.

Bekende Brèiniengoars

• Staf Versluys: verkoozn tot Brèiniengoare van de eeuwe.
• Piv Huvluv: kluchtigoard

Externe koppelienge

• Website gemèinte Brèinienge

Ofbeeldiengn die ier by passn ku je vien in de categorie Bredene van Wikimedia Commons.