Boreoale bergbusschn van 't Alaska-Schiereiland

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Liggienge van d' ekostreeke in Nôord-Amerika.
Liggienge van de boreoale busschn in de weirld.
Landschap in 't Nasjonoal Rizêrvoat Besjarof.
Nasjonoal Wildrizêrvoat van Alaska-Schiereiland.
Nasjonoal Izembek-Wildrizêrvoat.

De boreoale bergbusschn van 't Alaska-Schiereiland, geleegn in Alaska, zyn 'n ekostreeke uut d' ekozôone Nearctis vôgnst de Weirld Nateur-Stichtienge (WWF) [1][2][3]. Ze maakn dêel uut van 't bioom de boreoale busschn of de tajga. D' ippervlakte van d' ekostreeke besloat 4 791 478 êktoarn [4].

Beschryvienge[bewerkn | brontekst bewerken]

Die ekostreeke is e bergachtig gebied mê bergkammn die kunn 1 200 m ooge zyn tusschn vuulkoaniesche toppn van 2 500 m, geleegn ip de zuudlikke kant van 't Alaska-Schiereiland, an de zyde van de Stillen Oseoane, vanof de Cook-Golve in 't westn lanst de Kodiak-Eilandn no Unimak-Eiland an 't begun van d' Aleutn. 't Gebied by de Cook-Golve an de kop van 't schiereiland vormt de noabeurige ekostreeke, de boreoale busschn roend de Cook-Golve.

't Gebied êt e kuste-kliemoat mêt ooge reegnvoll (toe 4 000 mm) en warme temprateurn.

Plantn-weirld[bewerkn | brontekst bewerken]

De bergflankn zyn bedekt mê struukn, d' oogre êlliengn mê lêege struukn lik kroaj-eide (Empetrum nigrum) en andre Ericaceae (Vaccinium spp.), arktiesche wilge (Salix arctica) en zèèvrekruud (Dryas octopetala) binst da ip de lêegre êlliengn verschillnde wilgesôortn gruujn tusschn de struukn en datr ip de lêege kustvlaktn groene elze (Alnus viridis sinuata) en wilgeboomn zyn mê boalsm-popliern (Populus balsamifera) in de warmdre en nattre gebiedn.

Bêestn-weirld[bewerkn | brontekst bewerken]

Die streeke is gekend vo ze grôote popuuloasjes beirn die undre voedn mê zoalm uut de McNeil-Rieviere en andre rieviern van Alaska. Beirn die ier te vienn zyn omvattn de grôote Kodiak-beir (Ursus arctos middendorffi) oendresôorte van de bruune beir van Kodiak-Eiland. Andre zoogbêestn zyn karieboe (Rangifer tarandus), eeland (Alces alces), Arktiesche groend-êekôorn (Spermophilus parryii) en Alaska-oaze (Lepus othus). Veugls uut 't gebied omvattn miegreernde snêewganze (Chen caerulescensand) en andre woatrveugls, en broednde koloonjes van veugls lik kuufpaapegoajduukre (Fratercula cirrhata), zêekoetn (Uria spp.) en Nôordse stormveugl (Fulmarus glacialis), van 't Unimak-Eiland, Stepovak-Boaje en de Semidi-Eilandn.

Bedreigiengn en beschermienge[bewerkn | brontekst bewerken]

De nateurlikke gruujplatse van die bergn in nog in den ôorsproenklikke stoat en vischn is de belangrykste bizzigheid van de menschn. Joagn en visschn veroarmn de nateurlikke wild-popuuloasjes. Beschermde gebiedn omvattn : Nasjonoal Park Katmai, da grôote antalln beirn êrbergt, Nasjonoal Wildrizêrvoat van Alaska-Schiereiland, 't klêene Nasjonoal Izembek-Wildrizêrvoat, Nasjonoal Kodiak-Wildrizêrvoat, Nasjonoal Rizêrvoat Aniaksjak, Nasjonoal Rizêrvoat Besjarof en de hêele lankte van de McNeil-Rieviere.

Zied ook noa[bewerkn | brontekst bewerken]

Boreoale busschn uut 't Nearctis
NA0601 Boreoale bergbusschn van 't Alaska-Schiereiland Alaska (USA)
NA0602 Busschn van 't sentroal Kanadeesch Schild Kanada
NA0603 Boreoale busschn roend de Cook-Golve Alaska (USA)
NA0604 Boreoale busschn van de Koopre-Ôogvlakte Alaska (USA)
NA0605 Boreoale busschn in ôostlik Kanada Kanada
NA0606 Tajga van 't ôostlik Kanadeesch Schild Kanada
NA0607 Vlakte-tajga van Binn-Alaska en Joekon Kanada/USA
NA0608 Busschn van sentroal Kanada Kanada
NA0609 Busschn van 't westlik Kanadeesch Schild Kanada
NA0610 Tajga tusschn de Muskwa-Bergn en 't Grôot Sleevie-Mêer Kanada
NA0611 Busschn van d' ooglandn van Newfoundland Kanada
NA0612 Busschn van 't nôordlik Kanadeesch Schild Kanada
NA0613 Busschn van de nôordlikke Kordieleera Kanada
NA0614 Tajga van de Nôordwestlikke Gebiedn Kanada
NA0615 Woestenyn an de kustn van de schiereilandn Avalon en Burin Kanada
NA0616 Tajga an de zuudlikke Hudson-Boaje Kanada
NA0617 Drooge busschn van 't binneland van Joekon Kanada


Eksterne koppliengn[bewerkn | brontekst bewerken]

Verwyziengn[bewerkn | brontekst bewerken]

<references>

  1. (en) Ecoregion NA0601 : Alaska Peninsula montane taiga (WWF)
  2. (en) Ecoregion NA0601 : Alaska Peninsula montane taiga (Nationalgeographic)
  3. (en) Ecoregion NA0601 : Alaska Peninsula montane taiga (WWF)
  4. (en) Ecoregion NA0601 : Alaska Peninsula montane taiga (Global Species).