Tajga van de Nôordwestlikke Gebiedn

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Liggienge van d' ekostreeke in Noord-Amerika.
Liggienge van de boreoale busschn in de weirld.

De tajga van de Nôordwestlikke Gebiedn, is 'n ekostreeke uut d' ekozôone Nearctis vôgnst de Weirld Nateur-Stichtienge (WWF). D' ippervlakte van d' ekostreeke besloa 34 576 341 êktoarn [1]. De busschn maakn dêel uut van 't bioom de boreoale busschn of de tajga van nôordlik Kanada. Vo de grôote ekoloogiesche rykdom is d' ekostreeke e dêel van de Global 200-streeke de "Kanadeesche boreoale busschn".

Beschryvienge[bewerkn | brontekst bewerken]

De tajga van de Nôordwestlikke Gebiedn bedekt de nôordlikke vlakte van de Mackenzie-Rieviere, d' angrenznde gebiedn van de zuudlikke vlakte van dezeifste stroom toe an 't Grôot Beirn-Mêer en 't Grôot Sleev-Mêer. Hêel d' ekostreeke ligt in de Nôordwestlikke Gebiedn mêt uutzoendrienge van e dêeltje in 't ôostn van Joekon [2]. De gemiddelde joartemprateure varjeert van -10 °C in 't nôordn toe -1 °C in 't zuudn van d' ekostreeke. De gemiddelde wientrtemprateure schommelt tusschn -26,5 °C in 't nôordn en -1 °C in 't zuudn. De gemiddelde zoomrtemprateure ligt tusschn 6,5 °C en 14 °C. De joarliksche neerslag is tusschn 200 mm en 400 mm, mêt uutzoendrienge van 't zuudwestn woa da 500 mm hoald wordt. Die ekostreeke is te vienn by lêege liggiengn die feitlik de verlengiengie zyn van de Grote Lêegvlaktn van Nôord-Amerika. 't Reljif is in 't algemêen plat of e klêen bitje golvnd, mêt uutzoendrienge van sommigte plekkn, woa dat de topoografie boets is ofgesneen deur de woatrloopn.

Plantn-weirld[bewerkn | brontekst bewerken]

Virginia-Woatrvolln (Nailicho), Nasjonoal Park Nahanni, Nôordwestlikke Gebiedn.

De dinnegezoajde busschn bestoan oafdzoaklik uut moagre misvormde zwarte sparrn (Picea mariana). De kreuplachtige berkn en wilgn vormn, mê Ledum decumbens, de struukloage binst da beirndruuvn (Arctostaphylos uva-ursi), cypr-grassn (Carex) en mossn de kruudloage uutmoakn. D' oogre liggiengn en de streekn mêer in 't zuudn, in 't algemêen beetr ofgewoatrd en mindr koed, êrbergn gemienglde busschn bestoand uut zwarte en witte sparre (Pinus glauca), gewroengn pynboom (Pinus contorta), moeraslorke (Larix laricina), berke en Ameriekoansche roatlpopliere (Populus tremuloides) en boalsm-popliere (Populus balsamea). De natte omgeeviengn bedekkn tusschn 25 % en 50 % van d' ekostreeke.

Bedreigiengn en beschermienge[bewerkn | brontekst bewerken]

Apeupri 90 percent van 't leefgebied bluuft oengerept. 't Mêeste verlies is 't rezuultoat van verstôorienge roend klêene gemêenschappn, lynn deur de streeke woa datr oardbeeviengn gewist zyn, en uutboatienge van oolje en goaze in 't gebied van de Norman Wells. Klêenschoalige oetkappery in 't zuudn van d' ekostreeke is bizzig.

't Nasjonoal Park Nahanni in 't westn van de Nôordwestlikke Gebiedn êt 'n ippervlakte van 4 765 km2 [3][4].

Zied ook noa[bewerkn | brontekst bewerken]

Boreoale busschn uut 't Nearctis
NA0601 Boreoale bergbusschn van 't Alaska-Schiereiland Alaska (USA)
NA0602 Busschn van 't sentroal Kanadeesch Schild Kanada
NA0603 Boreoale busschn roend de Cook-Golve Alaska (USA)
NA0604 Boreoale busschn van de Koopre-Ôogvlakte Alaska (USA)
NA0605 Boreoale busschn in ôostlik Kanada Kanada
NA0606 Tajga van 't ôostlik Kanadeesch Schild Kanada
NA0607 Vlakte-tajga van Binn-Alaska en Joekon Kanada/USA
NA0608 Busschn van sentroal Kanada Kanada
NA0609 Busschn van 't westlik Kanadeesch Schild Kanada
NA0610 Tajga tusschn de Muskwa-Bergn en 't Grôot Sleevie-Mêer Kanada
NA0611 Busschn van d' ooglandn van Newfoundland Kanada
NA0612 Busschn van 't nôordlik Kanadeesch Schild Kanada
NA0613 Busschn van de nôordlikke Kordieleera Kanada
NA0614 Tajga van de Nôordwestlikke Gebiedn Kanada
NA0615 Woestenyn an de kustn van de schiereilandn Avalon en Burin Kanada
NA0616 Tajga an de zuudlikke Hudson-Boaje Kanada
NA0617 Drooge busschn van 't binneland van Joekon Kanada


Eksterne koppliengn[bewerkn | brontekst bewerken]

Verwyziengn[bewerkn | brontekst bewerken]

  1. (en) Ecoregion NA0614 : Northwest Territories taiga (Global Species).
  2. (en) Ecoregion NA0614 : Northwest Territories taiga (WWF).
  3. (en) Ecoregion NA0614 : Northwest Territories taiga (WWF).
  4. (en) Ecoregion NA0614 : Northwest Territories taiga (Nationaleografic).