Boreoale busschn roend de Cook-Golve

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Liggienge van d' ekostreeke in Nôord-Amerika.
Liggienge van de boreoale busschn in de weirld.
Boreoal bus in 't Nasjonoal Kenai-Rizêrvoat.

De boreoale busschn van de Cook-Golve, geleegn in Alaska, zyn 'n ekostreeke uut d' ekozôone Nearctis vôgnst de Weirld Nateur-Stichtienge (WWF) [1][2]. Ze maakn dêel uut van 't bioom de boreoale busschn of de tajga. D' ippervlakte van d' ekostreeke besloat 2 771 287 êktoarn [3][4].

Beschryvienge[bewerkn | brontekst bewerken]

Die ekostreeke ligt roend 't grotste stik van de Cook-Golve an de zuudlik-sentroale kuste van Alaska, beschut deur bergn roendomroend. Die kuste êt e vriendlik landschap en e betrekklik zocht kliemoat vor Alaska mê 380 toe 680 mm reegnvol per joar.

Plantn-weirld[bewerkn | brontekst bewerken]

De plantn-weirld is gevarjeerd vor Alaska, e mienglienge van koniefeern en andre boomn, struukn en kruudn. D' oovrêersnde boomsôortn zyn zwarte sparre (Picea mariana), witte sparre (Picea glauca), de grôote Sitka-sparre (Picea sitchensis), Ameriekoansche roatlpopliere (Populus tremuloides), boalsm-popliere (Populus balsamifera), Populus trichocarpa en papierberke (Betula papyrifera). 't Sparrebus wordt dikkers verjoengd achtre zwoare ploagn deur de sparreschusse-keevre.

Bêestn-weirld[bewerkn | brontekst bewerken]

In die ekostreeke leevn dr veele wilde bêestn woaroendre grysde wolf (Canis lupus), beirn en Kanadeesche lynx (Lynx canadensis). De Kenai-Rieviere êrbergt vuuf sôortn zoalm (Oncorhynchus) mê drby de grotste sjienookzoalmn (Oncorhynchus tshawytscha) in de weirld. De veugls têlln grôote antalln van den Ameriekoansche zêeoarend (Haliaeetus leucocephalus) en oovrwientrende snêewganzn (Chen caerulescens) van 't eiland Wrangell die tegoare kommn in de moendienge van de Kenai-Rieviere vôor undre miegroasje in 't vôorjoar.

Bedreigiengn en beschermienge[bewerkn | brontekst bewerken]

Vyvre mê woatr-leeljes mê roendomme sparrebusschn, Kenai-Schiereiland.

De streekn roend de Kenai-Rieviere, Anchorage, Palmer en Wasilla zyn 't mêest bevolkt dêel van Alaska en e middlpunt vor oetkap en vor oolje- en goazeindustries ip 't Kenai-Schiereiland. Dr is ook e bitje oentbusschienge vo landbow in Palmer en Point MacKenzie. Pertanks bluuvn nateurlikke leefgebiedn styf goed bewoard aloewêl da de bêestn-weirld van 't Kenai-Schiereiland ofgezoenderd is grakt van die van de Matanuska-Susitna-Valleje en de westkant van Cook-Golve, en doadeure van de reste van Alaska. Beschermde gebiedn omvattn 't Nasjonoal Kenai-Rizêrvoat, Stoatspark Chugach, Stoatrekrejoasje-gebied van Nancy-Mêer en de Susitna-Vlakte.

Zied ook noa[bewerkn | brontekst bewerken]

Boreoale busschn uut 't Nearctis
NA0601 Boreoale bergbusschn van 't Alaska-Schiereiland Alaska (USA)
NA0602 Busschn van 't sentroal Kanadeesch Schild Kanada
NA0603 Boreoale busschn roend de Cook-Golve Alaska (USA)
NA0604 Boreoale busschn van de Koopre-Ôogvlakte Alaska (USA)
NA0605 Boreoale busschn in ôostlik Kanada Kanada
NA0606 Tajga van 't ôostlik Kanadeesch Schild Kanada
NA0607 Vlakte-tajga van Binn-Alaska en Joekon Kanada/USA
NA0608 Busschn van sentroal Kanada Kanada
NA0609 Busschn van 't westlik Kanadeesch Schild Kanada
NA0610 Tajga tusschn de Muskwa-Bergn en 't Grôot Sleevie-Mêer Kanada
NA0611 Busschn van d' ooglandn van Newfoundland Kanada
NA0612 Busschn van 't nôordlik Kanadeesch Schild Kanada
NA0613 Busschn van de nôordlikke Kordieleera Kanada
NA0614 Tajga van de Nôordwestlikke Gebiedn Kanada
NA0615 Woestenyn an de kustn van de schiereilandn Avalon en Burin Kanada
NA0616 Tajga an de zuudlikke Hudson-Boaje Kanada
NA0617 Drooge busschn van 't binneland van Joekon Kanada


Eksterne koppliengn[bewerkn | brontekst bewerken]

Verwyziengn[bewerkn | brontekst bewerken]

<references>

  1. (en) Ecoregion NA0603 : Cook Inlet taiga (WWF).
  2. (en) Ecoregion NA0603 : Cook Inlet taiga (Nationalgeographic).
  3. (en) Ecoregion NA0603 : Cook Inlet taiga (WWF).
  4. (en) Ecoregion NA0603 : Cook Inlet taiga (Global Species).