Boreoale busschn van de Koopre-Ôogvlakte

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Liggienge van d' ekostreeke in Nôord-Amerika.
Verspreidienge in de weirld van de boreoale busschn.
Zicht lanst de Boane McCarthy.

De Boreoale busschn van de Koopre-Ôogvlakte, geleegn in Alaska, zyn 'n ekostreeke uut d' ekozôone Nearctis vôgnst de Weirld Nateur-Stichtienge (WWF) [1][2]. Ze maakn dêel uut van 't bioom de boreoale busschn of de tajga. D' ippervlakte van d' ekostreeke besloat 1 709 392 êktoarn [3].

Beschryvienge[bewerkn | brontekst bewerken]

Die ekostreeke bestoat uut e grôote platte ôogvlakte in zuudôostlik Alaska by 400-900m boovn de zêespeegle, oemriengd deur ôoge bergn en deurspekt mê veele mêern en morassn. 't Gebied is bykans hêelegans geleegn in 't Nasjonoal Park Wrangell – St. Elias binst da de Denali-Ootoboane d' ekostreeke kruust in 't Nôordwestn. 't Is e styf natte en klamme streeke mê toe 460mm reegnvol ip e joar en mê temprateurn die goan van -27 °C in de wientre toe 21 °C in de zoomre zyndr plekkn van oendiepe permafrost [4].

Plantn-weirld[bewerkn | brontekst bewerken]

Vo te kunn oovreleevn moetn de plantn ier angepast zyn aan de natte omstandigeedn en den oovrêersnde boom is zwarte sparre (Picea mariana) binst da in de mêer veenige gebiedn dwergberkn gruujn (Betula glandulosa en Betula nana) tegoare mê struukn en Cyperaceae lik veenpluus (Eriophorum angustifolium) en zegge (Carex spp.) en kruudn lik woatredrieblad (Menyanthes trifoliata), Petasites frigidus (Asteraceae) en woatrefreize (Comarum palustre). Goed ofgewoaterde gebiedn ên gemêenschappn van witte sparre (Picea glauca), Westameriekoansche boalsmpopliere (Populus trichocarpa) en Ameriekoansche roatlpopliere (Populus tremuloides).

Bêestn-weirld[bewerkn | brontekst bewerken]

Mêer Louise, Mêer Paxson en de veele moerassn uut de vlakte zyn broedplatsn vo veele woatreveugls woaroendre trompêt-zwoane (Cygnus buccinator), de grotste veugl van Nôord-Amerika. De Koopre-Rieviere êrbergt zoalmn, in 't byzoendre sjienookzoalm (Oncorhynchus tshawytscha) en rôo zoalm (Oncorhynchus nerka). Zoogbêestn omvattn kuddn van karieboe (Rangifer tarandus) die trekt deur de westlikke kant van de vlakte.

Bedreigiengn en beschermienge[bewerkn | brontekst bewerken]

Leefgebied is verloorn gegoan vor oentwikklienge roend Glenallen en vor oetkap lanst de Koopre-Rieviere en ip land roend Alaska Native Regional Corporations by Chitina.

Zied ook noa[bewerkn | brontekst bewerken]

Boreoale busschn uut 't Nearctis
NA0601 Boreoale bergbusschn van 't Alaska-Schiereiland Alaska (USA)
NA0602 Busschn van 't sentroal Kanadeesch Schild Kanada
NA0603 Boreoale busschn roend de Cook-Golve Alaska (USA)
NA0604 Boreoale busschn van de Koopre-Ôogvlakte Alaska (USA)
NA0605 Boreoale busschn in ôostlik Kanada Kanada
NA0606 Tajga van 't ôostlik Kanadeesch Schild Kanada
NA0607 Vlakte-tajga van Binn-Alaska en Joekon Kanada/USA
NA0608 Busschn van sentroal Kanada Kanada
NA0609 Busschn van 't westlik Kanadeesch Schild Kanada
NA0610 Tajga tusschn de Muskwa-Bergn en 't Grôot Sleevie-Mêer Kanada
NA0611 Busschn van d' ooglandn van Newfoundland Kanada
NA0612 Busschn van 't nôordlik Kanadeesch Schild Kanada
NA0613 Busschn van de nôordlikke Kordieleera Kanada
NA0614 Tajga van de Nôordwestlikke Gebiedn Kanada
NA0615 Woestenyn an de kustn van de schiereilandn Avalon en Burin Kanada
NA0616 Tajga an de zuudlikke Hudson-Boaje Kanada
NA0617 Drooge busschn van 't binneland van Joekon Kanada


Eksterne koppliengn[bewerkn | brontekst bewerken]

Verwyziengn[bewerkn | brontekst bewerken]

<references>

  1. (en) Ecoregion NA0604 : Copper Plateau taiga (WWF)
  2. (en) Ecoregion NA0604 : Copper Plateau taiga (Nationalgeographic)
  3. (en) Ecoregion NA604 : Copper Plateau taiga (Global Species).
  4. (en) Ecoregion NA0604 : Copper Plateau taiga (WWF).