Boreoale busschn in ôostlik Kanada

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Liggienge van d' ekostreeke in Nôord-Amerika.
Liggienge van de boreoale busschn in de weirld.

De boreoale busschn in ôostlik Kanada, zyn 'n ekostreeke uut d' ekozôone Nearctis vôgnst de Weirld Nateur-Stichtienge (WWF). D' ippervlakte van d' ekostreeke besloat 486 900 km² [1][2][3][4]. Ze maakn dêel uut van 't bioom de boreoale busschn of de tajga.

Beschryvienge[bewerkn | brontekst bewerken]

Die ekostreeke bevat 'n antal bergachtige gebiedn van d' ôostkuste van Kanada en lanst de Rieviere Sint-Lowrêns in ôostlik Kebêk (woaroendre 't Eiland Anticosti in de Sint-Lowrêns en de kuste by Labrador, ip 't eiland Newfoundland, in d' ooglandn van Niew-Brunswick, en d' Ooglandn van Cape Breton ip 't Eiland Cape Breton, Niew-Schotland. De bergn die dr by ôorn zyn de Lowrentynsche Bergn, in 't Nôordn van d' ekostreeke, en bergkeetns van 't uuterste Nôordn van d' Appalachn no 't Zuudn, mê piekn oovr de 1000 meetrs, woaroendre 't ruuwe Schiereiland Gaspé in Kebêk. 't Kliemoat is koele en nat en an de kuste istr veele mist, in 't biezoendre ip de Zêestroate van Belle Isle tusschn Labrador en Newfoundland byvôorbeeld. D' ekostreeke busschn van 't sentroal Kanadeesch Schild ligt landinwoarts no 't Westn en ê mêer zwarte sparre (Picea mariana) of de boalsm-denne (Abies balsamea) da d' oovrêersnde boom is in die ekostreeke.

Plantn-weirld[bewerkn | brontekst bewerken]

Busschn uut Ôostlik Kanada mêt ip den achtrgroend 't Valin-gebergte.

D' oovrêersnde boomn van die busschn uut de kust-streeke zyn boalsm-denne tegoare mê zwarte sparre, witte sparre (Picea glauca) ip de kustlyne, en papierberke (Betula papyrifera) en popliern woada 't bus woada 't bus weere groejt achtr dat gekapt is of ip 'n andre verstôorienge. Andre plantn omvattn mossn en Ericaceae. Beschutte gebiedn in de bergn, lik de valleje roend 't Mêer St. Jean, ên e verschillnd bus-patrôon.

Bêestn-weirld[bewerkn | brontekst bewerken]

Da kust-gebied is de kroam-kaamre vo grôote koloonjes eiders (Somateria spp.) en andre zêeveugls. De zoogbêestn omvattn eeland (Alces alces), Ameriekoansche zwarte beir (Ursus americanus), Kanadeesche lynx (Lynx canadensis), rôo vos (Vulpes vulpes), snêewschoe-oaze (Lepus americanus) en grysde wolf (Canis lupus).

Bedreigiengn en beschermienge[bewerkn | brontekst bewerken]

Busschn in Nasjonoal Park Terra Nova.

Da kust-gebied is aalange beweund en 't bus is styf veele veranderd in 't byzoendre deur oetkap. Pertanks bluuftr toch nog 40% in den ôorsproenklikke stoat, zeekr in 't Nôordn van Kebêk, binst da 't Schiereiland Gaspé, nôordlik Niew-Brunswick en Newfoundland dichtr bevôkt zyn en de leefomgeevienge doadeure sterkre veranderd is en in stiksjes gekapt. Mynbow êt ook de leefgebiedn in sommtige streekn angetast, lik in Matamec. Beschermde zôones zyn Nateurgebied Bay du Nord, Nateurgebied Avalon, Wildernisse Middle Ridge en Nasjonoal Park Terra Nova in Newfoundland; Nasjonoal Park Valin-Gebergte te nôordn van de Rieviere Saguenay, Nasjonoal Park Gaspésie, Nasjonoal Park Saguenay en Nasjonoal Park Forillon in Kebêk; en Nasjonoal Park Ooglandn van Cape Breton en Pollett's Cove in Niew-Schotland.

Zied ook noa[bewerkn | brontekst bewerken]

Boreoale busschn uut 't Nearctis
NA0601 Boreoale bergbusschn van 't Alaska-Schiereiland Alaska (USA)
NA0602 Busschn van 't sentroal Kanadeesch Schild Kanada
NA0603 Boreoale busschn roend de Cook-Golve Alaska (USA)
NA0604 Boreoale busschn van de Koopre-Ôogvlakte Alaska (USA)
NA0605 Boreoale busschn in ôostlik Kanada Kanada
NA0606 Tajga van 't ôostlik Kanadeesch Schild Kanada
NA0607 Vlakte-tajga van Binn-Alaska en Joekon Kanada/USA
NA0608 Busschn van sentroal Kanada Kanada
NA0609 Busschn van 't westlik Kanadeesch Schild Kanada
NA0610 Tajga tusschn de Muskwa-Bergn en 't Grôot Sleevie-Mêer Kanada
NA0611 Busschn van d' ooglandn van Newfoundland Kanada
NA0612 Busschn van 't nôordlik Kanadeesch Schild Kanada
NA0613 Busschn van de nôordlikke Kordieleera Kanada
NA0614 Tajga van de Nôordwestlikke Gebiedn Kanada
NA0615 Woestenyn an de kustn van de schiereilandn Avalon en Burin Kanada
NA0616 Tajga an de zuudlikke Hudson-Boaje Kanada
NA0617 Drooge busschn van 't binneland van Joekon Kanada


Eksterne koppliengn[bewerkn | brontekst bewerken]

Verwyziengn[bewerkn | brontekst bewerken]

<references>

  1. (en) Ecoregion NA0605 : Eastern Canadian forests (WWF).
  2. (en) Ecoregion NA0605 : Eastern Canadian forests (WWF).
  3. (en) Ecoregion NA0605 : Eastern Canadian forests (Nationalgeografic).
  4. (en) Ecoregion NA0605 : Eastern Canadian forests (Global Species).