Busschn van de nôordlikke Kordieleera
De Busschn van de nôordlikke Kordieleera, zyn 'n ekostreeke uut d' ekozôone Nearctis vôgnst de Weirld Nateur-Stichtienge (WWF). D' ippervlakte van d' ekostreeke besloa 26 288 379 êktoarn [1][2][3]. Ze maakn dêel uut van 't bioom de boreoale busschn of de tajga. Vo de grôote ekoloogiesche rykdom is d' ekostreeke e dêel van de Global 200-streeke de "tajga tusschn de Muskwa-Bergn en 't Grôot Sleevie-Mêer".
Beschryvienge
[bewerkn | brontekst bewerken]D' ekostreeke ligt in 't nôordlik dêel van de Kordieleera, d' anêenschoaklienge van bergkeetns aan de westkant van Nôord- en Zuud-Amerika. De busschn strekkn undr uut in 't nôordn van Britsch Koluumbja, 't zuudôostn van Joekon en 't uuterste zuudwestn van de Nôordwestlikke Gebiedn. De gemiddelde joarlikse temprateure bedroagt 10 °C binst da de gemiddelde wientre-temprateurn tusschn -13 °C en -18,5 °C zyn. De joarliksche neerslag varjeert tusschn 350 mm en 600 mm, mo ku 1000 mm bereikn in ooge geleegn dêeln. De busschn van de nôordlikke Kordieleera besloan verschillnde fyzjoogroafiesche elementn, noamlik 't nôordn van 't Rotsgebergte, 't Bekkn van de Liard-Rieviere en de Kassiejoars-Bergkeetn. Somtyds istr permafrost ip de nôordlikke êlliengn van de bergn.
Plantn-weirld
[bewerkn | brontekst bewerken]
Buutn de rotspartyjn zyn d' alpiene zôonn in 't algemêen oovrêerst deur inêengekroempn gemêenschappn van Ericaceae, wilgn, berkn, grassn en korstmossn. De subalpiene busschn bestoan uut subalpienne denn, zwarte sparre (Picea mariana), witte sparre (Picea glauca) et struukn van loof-oet, by geleegneid ook Engelmann-sparre (Picea engelmannii). Ip lêegre liggiengn zyn de rypre en dichtre busschn saamngesteld uut zwarte en witte sparre, gewroengn pynboom (Pinus contorta), papierberke (Betula papyrifera) en Ameriekoansche roatlpopliere (Populus tremuloides).
Bedreigiengn en beschermienge
[bewerkn | brontekst bewerken]Dr wordt geschat da 85 % van d' ekostreeke nog oengerept is [4].
Zied ook noa
[bewerkn | brontekst bewerken]| Boreoale busschn uut 't Nearctis | |
|---|---|
| NA0601 Boreoale bergbusschn van 't Alaska-Schiereiland | Alaska (USA) |
| NA0602 Busschn van 't sentroal Kanadeesch Schild | Kanada |
| NA0603 Boreoale busschn roend de Cook-Golve | Alaska (USA) |
| NA0604 Boreoale busschn van de Koopre-Ôogvlakte | Alaska (USA) |
| NA0605 Boreoale busschn in ôostlik Kanada | Kanada |
| NA0606 Tajga van 't ôostlik Kanadeesch Schild | Kanada |
| NA0607 Vlakte-tajga van Binn-Alaska en Joekon | Kanada/USA |
| NA0608 Busschn van sentroal Kanada | Kanada |
| NA0609 Busschn van 't westlik Kanadeesch Schild | Kanada |
| NA0610 Tajga tusschn de Muskwa-Bergn en 't Grôot Sleevie-Mêer | Kanada |
| NA0611 Busschn van d' ooglandn van Newfoundland | Kanada |
| NA0612 Busschn van 't nôordlik Kanadeesch Schild | Kanada |
| NA0613 Busschn van de nôordlikke Kordieleera | Kanada |
| NA0614 Tajga van de Nôordwestlikke Gebiedn | Kanada |
| NA0615 Woestenyn an de kustn van de schiereilandn Avalon en Burin | Kanada |
| NA0616 Tajga an de zuudlikke Hudson-Boaje | Kanada |
| NA0617 Drooge busschn van 't binneland van Joekon | Kanada |
Eksterne koppliengn
[bewerkn | brontekst bewerken]- (en) Northern Cordillera forests (The Encyclopedia of Earth).
- (en) Global ecoregion nr 81 : Muskwa-Slave Lake Boreal Forests (WWF).
- (en) Northern Cordillera forests (Vanderbilt).